अमळनेर: लोकमान्य शिक्षण मंडळ अमळनेर संचलित लोकमान्य विद्यालय अमळनेर जि.जळगाव येथे आज दि.४/१०/२०२१ सोमवार रोजी विद्यार्थी शिक्षणोत्सव सोहळा संपन्न झाला. कोरोनामुळे प्रदीर्घ कालावधीपासून बंद असलेली शाळा शालेय परीपत्रकानुसार आज पासून सुरु करण्यात आली. याप्रसंगी शालेय परिसर स्वच्छ व सुशोभित करण्यात आला होता. यावेळी शाळेचे मुख्याध्यापक आर.एम.लष्करे सर यांनी विद्यार्थ्यांचे स्वागत केले. यानंतर विद्यार्थ्यांना शाळेत मास्क, सॅनिटायझर व सामाजिक अंतर याचे पालन करण्यासंदर्भात सूचना देण्यात आल्या. तदनंतर शाळेचे उपशिक्षक जे.के.चौधरी सर यांनी विद्यार्थ्यांना मार्गदर्शन करुन कार्यक्रमाच्या शेवटी विद्यार्थ्यांना अधिकाधिक संख्येने शाळेत उपस्थित राहण्यासाठी आवाहन केले. सदरील कार्यक्रमास शाळेतील जेष्ठ शिक्षक मनोहर महाजन सर सर्व शिक्षक व शिक्षकेतर कर्मचारी यांनी सहकार्य केले.
टिप्पणी पोस्ट करा
0 टिप्पण्या